இங்கிலாந்து, மே.30-
செல்சி அணி யூஏஃபா கான்பரட்ன்ஸ் கிண்ணத்தை வென்றுள்ளது. இறுதியாட்டத்தில் அவ்வணி ஸ்பெயினின் ரியால் பெத்திஸை 4க்கு 1 என்ற கோல்களில் வீழ்த்தியது. ஆட்டம் தொடங்கிய 9 ஆவது நிமிடத்தில் ரியால் பெத்திஸ் ஒரு கோலை அடித்து செல்சியைத் திக்கு முக்காடச் செய்தது. முற்பாதி ஆட்டம் முடிவடையும் வரை 1க்கு 0 என ரியால் பெத்திஸ் முன்னிலை வகித்தது.
ஆயினும் பிற்பாதி ஆட்டத்தில் எழுச்சி பெற்ற செல்சி, அடுத்தடுத்து நான்கு கோல்களைப் புகுத்தியது. என்ஸோ பெர்னாண்டஸ், நிக்கோலஸ் ஜாக்சன், ஜேடன் சன்சோ, மொய்சஸ் கைசேடோ ஆகியோர் செல்சிக்கான கோல்களை அடித்தனர்.
