சீயான் விக்ரம் நடிப்பில் இந்த ஆண்டு வெளிவந்த திரைப்படம் வீர தீர சூரன். இப்படம் கலவையான விமர்சனங்களைப் பெற்றது. இப்படத்தை தொடர்ந்து இயக்குநர் மடோன் அஸ்வின் இயக்கத்தில் விக்ரம் நடிக்கும் படம் விக்ரம் 63. இப்படத்திற்கான முன் தயாரிப்புப் பணிகள் விறுவிறுப்பாக நடைபெற்று வரும் நிலையில், விக்ரமின் 64 ஆவது படம் குறித்து தகவல் வெளியாகியுள்ளது.
அவ்வகையில், இயக்குநர் கார்த்திக் தங்கவேல் இயக்கத்தில்தான் விக்ரம் தனது 64 ஆவது படத்தில் நடிக்கவுள்ளார் எனக் கூறப்படுகிறது. இயக்குநர் கார்த்திக் தங்கவேல் கடந்த 2018 ஆம் ஆண்டு வெளிவந்த அடங்க மறு படத்தை இயக்கியிருந்தார். விமர்சன ரீதியாக இப்படம் மாபெரும் வெற்றியடைந்தது. இதன்பின் இவர் எந்த திரைப்படமும் இயக்கவில்லை.
ஆனால், தற்போது விக்ரமின் 64 ஆவது படத்தை இயக்கவிருக்கிறார் என தகவல் வெளியாகியுள்ளது. விரைவில் அதிகாரப்பூர்வமான அறிவிப்பு வெளிவரலாம்.
