லோகேஷ் கனகராஜ் இயக்கத்தில் சூப்பர் ஸ்டார் ரஜினிகாந்த் நடிக்கும் ‘கூலி’ படத்தில், அமீர் கான் சிறப்பு தோற்றத்தில் ஒரு முக்கிய கேரக்டரில் நடித்திருக்கும் நிலையில், அவர் மீண்டும் லோகேஷ் கனகராஜ் உடன் இணைந்து ஒரு புதிய படத்தில் பணிபுரிய இருப்பது உறுதிச் செய்யப்பட்டுள்ளது.
அண்மையில் பேட்டி அளித்த அமீர்கான், லோகேஷ் கனகராஜ் படத்தில் தான் நடிக்க இருப்பதாகவும், இந்த படம் ஒரு சூப்பர் கதாநாயகன் கதை அம்சம் கொண்டது என்றும், மிகப் பெரிய ஆக்ஷன் படமாக உருவாகும் என்றும் தெரிவித்துள்ளார். மேலும், இந்த படத்தின் படப்பிடிப்பு 2026 ஆம் ஆண்டின் பிற்பகுதியில் தொடங்கும் என்றும் அவர் கூறியுள்ளார்.
லோகேஷ் கனகராஜ் தற்போது ‘கூலி’ படத்தின் படப்பிடிப்பை முடித்துவிட்டு, தொழில்நுட்பப் பணியில் விறுவிறுப்பாக உள்ளார். இந்தப் படம் வெளியான பின், அவர் கார்த்தி நடிக்கும் ‘கைதி 2’ படத்தை இயக்குவார் என்று எதிர்பார்க்கப்படுகிறது. இந்த படத்தை அவர் 2026 ஆம் ஆண்டின் முதல் பாதியில் முடித்து, வெளியிடுவார் என்றும், அதன் பின்னர் அமீர் கான் படத்தை இயக்குவார் என்றும் கூறப்படுகிறது.
லோகேஷ் கனகராஜ் – அமீர்கான் இணையும் படம் பான் இந்தியா படமாக மிகவும் பிரமாண்டமான முறையில் உருவாகும் என்றும் தகவல்கள் தெரிவிக்கின்றன.
