கோலாலம்பூர், ஜூன்.18-
எரிபொருள் வாராந்திர விலை நிர்ணயிப்பில் பெட்ரோல் ரோன் 97 மற்றும் தீபகற்ப மலேசியாவில் டீசல் விலை லிட்டருக்கு 7 காசு உயர்ந்துள்ளது.
பெட்ரோல் ரோன் 97, லிட்டருக்கு 3 ரிங்கிட் 07 காசுலிருந்து 3 ரிங்கிட் 14 காசுக்கு விலை உயர்ந்துள்ள வேளையில் தீபகற்ப மலேசியாவில் டீசல், லிட்டருக்கு 2 ரிங்கிட் 74 காசுலிருந்து 2 ரிங்கிட் 81 காசுக்கு விலை உயர்ந்துள்ளதாக நிதி அமைச்சு அறிவித்துள்ளது.
எனினும் பெட்ரோல் ரோன் 95 விலையில் எந்த மாற்றமும் இல்லை. அதன் விலை தொடர்ந்து 2 ரிங்கிட் 05 காசுக்கு நிலை நிறுத்தப்பட்டுள்ளதாக அது தெரிவித்துள்ளது.
