மலேசியாவில் சீனர்களின் பிறப்பு வகித தொடர் சரிவைத் தொடர்ந்து அதன் தாக்கம், சீனப்பள்ளிகளில் எதிரொலிக்கத் தொடங்கியுள்ளது. கடந்த சில ஆண்டுகளான சீனப்பள்ளிகளில் சீன மாணவர்களின் எண்ணிக்கை தொடர்ந்து சரிவு கண்டு வருகிறது. இதன் காரணமாக சீன கல்வி அமைப்புகள் அச்சம் கொள்ளத் தொடங்கினாலும், அந்த அச்சம் தேவையற்றது என்கிறார் கல்வியாளர் ஒருவர்.
கற்றல், கற்பித்தலுக்கு உகந்த பிரதான கல்வி கட்டமைப்பையும், இதர முதன்மை வசதிகளையும் கொண்டுள்ள சீனப்பள்ளிகளில், சீன மாணவர்களின் எண்ணிக்கையை ஈடுசெய்வதறகு இதர மாணவர்களை கொண்டு நிரப்ப முடியும் என்று ஒரு கல்வியாளரும், Bayan Baru நாடாளுமன்ற உறுப்பினருமான Sim Tze Tzim பரிந்துரை செய்துள்ளார்.
இதர இனத்தவர்களில் குறிப்பாக மலாய்க்காரர்கள் மத்தியில் சீனப்பள்ளிகள் இன்னமும் தங்களின் விருப்பத்திற்குரிய தேர்வாக இருந்து வருவதாக Sim Tze Tzim கூறுகிறார். SK எனப்படும் தேசியப் பள்ளிகளுடன் ஒப்பிடுகையில் சீனப்பள்ளிகள் தரமான கல்வி முறையை கொண்டுள்ளன என்று பெற்றோர்கள் பலர் நம்புகின்றனர்.
எனவே சீன மாணவர்களின் தொடர் சரிவினால் சீனப்பள்ளிகளின் எதிர்காலம் குறித்து கவலைப்பட வேண்டியதில்லை. சீனர்கள், மலாய்க்காரர்கள், இந்தியர்கள், பூமிபுத்ராக்கள் என பல்லின மாணவர்களை கொண்டு சீன தாய்மொழிப்பள்ளிகளை தற்காக்க முடியும் என்று Sim Tze Tzim பரிந்துரை செய்துள்ளார்.