ஹோட்டல் ஒன்றில் மற்றவர் மனைவியின் அறைக்குள் அத்துமீறி நுழைந்ததாக நாட்டின் தேசிய கால்பந்து அணியின் முன்னாள் கேப்டன், பெட்டாலிங் ஜெயா மாஜிஸ்திரேட் நீதிமன்றத்தில் இன்று குற்றஞ்சாட்டப்பட்டார். தமக்கு நன்று அறிமுகமான அந்த மாதுவின் அறைக்குள் நுழைந்து ரகளைப் புரிந்ததற்காக கைது செய்யப்பட்ட 49 வயதான அஹ்மத் ஷாருல் அசார் சோபியான், மாஜிஸ்திரேட் ஜாப்ரான் ரஹீம் ஹம்சா முன்னிலையில் நிறுத்தப்பட்டு, குற்றச்சாட்டு வாசிக்கப்பட்டது.
ஹரிமௌ மலாயா கால்பந்து அணிக்கு தலைமையேற்றவரான அமாட் ஷாருல் கடந்த ஜுன் 21 ஆம் தேதி மாலை 6 மணியளவில் கிளானா ஜெயாவில் உள்ள ஹோட்டல் ஒன்றில் 36 மாதுவின் அறைக்குள் அத்துமீறி நுழைந்ததாக குற்றச்சாட்டில் தெரிவிக்கப்பட்டது.
குற்றவாளி என்று நிரூபிக்கப்பட்டால் 3 ஆண்டு சிறை அல்ல்து 5 ஆயிரம் வெள்ளி அபராதம் அல்லது இரண்டுமே விதிக்க வகை செய்யும் குற்றவியல் சட்டத்தின் கீழ் பேரா மாநில முன்ன்னாள் ஆட்டக்காரரான அமாட் ஷாருல் குற்றச்சாட்டை எதிர்நோக்கியுள்ளார்.
