கிள்ளாங், மார்ச் 2 –
கிள்ளானில் மொத்த விற்பனை மையமான ஜி.ம் கிள்ளாங் வர்த்தக தளத்தில் ஒவ்வொரு மாதமும் முதல் வாரத்தில் சனி மற்றும் ஞாயிற்றுக்கிழமைகளில், வாடிக்கையாளர்கள் திளைத்திருக்கும் “GMK WOW DAY” என்ற திட்டம், பல்வேறு சிறப்பு நிகழ்வுகளுடன் மிக கோலாகலமாக இன்று தொடங்கப்பட்டது.
மார்ச் மாதத்தின் முதலாவது சனிக்கிழமையான இன்று, ஜி.ம் கிள்ளாங் கில், பிரெமியும் உறுப்பினராக தங்களை பதிவு செய்து கொண்டுள்ள ஜி.ம் கிள்ளாங் வர்த்தகச் சமூக செயலி பயனர்களுக்கு நன்மை அளிக்கும் “GMK WOW DAY” திட்டத்தின் மூலம் பலன் பெறலாம்.
குறிப்பாக, பொருட்களின் விலையில் 70 விழுக்காடு வரை தள்ளுபடி மற்றும் சிறப்பு வெகுமதிகளை பெற முடியும் என்று ஜி.ம் கிள்ளாங் கின் முத்திரை தொடர்பு உதவி நிர்வாகி முகமட் சர்ஹான் வாசிம் பின் ஷெ முட் தெரிவித்தார்.
ஜி.ம் கிள்ளாங் , வர்த்தக மையத்தில் இடம் பெற்றுள்ள GMK WOW SALE விற்பனை கடைகளில் பலதரப்பட்ட பொருட்களை பிரத்தியேக விலையில் வாங்குவதற்கு இத்திட்டம் பிரத்தியேகமாக வடிவமைக்கப்பட்டதாக அவர் குறிப்பிட்டார்.
குறிப்பாக வழக்கமான விலையை விட மிக குறைந்த விலையில் அல்லது ஓன் லைன் விலையில் வாங்குவதன் மூலம் வாடிக்கையாளர்களுக்கு இரண்டு சிறப்பு வெகுமதிகள் காத்திருக்கின்றன.
தவிர, வருகையாளர்கள் செலவிடப்படும் ஒவ்வொரு 100 வெள்ளிக்கும் 10 வெள்ளி மதிப்பில் இ வௌச்சர் வழங்கப்படுகிறது.
ஒவ்வொரு மாதத்திலும் முதல் வாரத்தில் சனி, ஞாயிற்றுக்கிழமைகளில் நடைபெறும் “GMK WOW DAY” காலகட்டத்தில் மட்டுமே இந்த சிறப்பு அனுகூலங்களையும் பெற முடியும் என்று முகமட் சர்ஹான் வாசிம் குறிப்பிடுகிறார்.
