கோத்தா பாரு, ஏப்ரல் 03-
சட்டவிரோதமான சிகரெட்டுகளை மலேசியாவிற்கு கொண்டு வருவதற்கு சிண்டிகேட்டுகள் தீவிர நடவடிக்கையில் ஈடுபட்டு வருவதாக தெரியவந்துள்ளது.
கடந்த திங்கட்கிழமை கிளந்தான், பன்த்தாய் சஹாய புலான் – னில் மேற்கொள்ளப்பட்ட திடீர் சோதனையின் போது 960,000 சட்டவிரோத சிகரெட்டுகளை பறிமுதல் செய்ததாக கிளந்தான் மாநில சுங்கத்துறையின் இயக்குநர் வான் ஜமால் அப்துல் சலாம் வான் லோங் கூறினார்.
7 லட்சத்துக்கும் அதிக மதிப்பிலான சிகரெட்டுகள் உட்பட அதற்கு செலுத்தப்படாத வரிகள் ஆகியவை கம்போங் கீஜாங்-கில் உள்ள சட்டவிரோதமாக பயன்படுத்தப்படும் ஜெட்டியில் கைப்பற்றப்பட்டதாக வான் ஜமால் அறிவித்தார்.
சிண்டிகேட்டுகள் சட்டவிரோத ஜெட்டியை பயன்படுத்தி குறிப்பிடப்பட்ட சிகரெட்டுகளை கடத்தியதாகவும் இச்சோதனையில் எவரும் கைது செய்யப்படவில்லை என்றும் வான் ஜமால் இன்று ஓர் அறிக்கையில் வெளியிட்டார்.
