கோல குபு பாரு, ஏப்ரல் 25-
கோல குபு பாரு சட்டமன்ற தொகுதி இடைத்தேர்தலில், வீடமைப்பு ஊராட்சி துறை அமைச்சர் ங்கா கொர் மிங்கின் உதவியாளரான பாங் சாக் தாவொ, ஒற்றுமை அரசாங்கத்தின் வேட்பாளராக களமிறக்கப்படுகின்றார்.
நேற்றிரவு கோல குபு பாரு, தாமான் கமெலான்-னிலுள்ள சட்டமன்ற உறுப்பினருக்கான சேவை மையத்தில் நடைபெற்ற வேட்பாளர் அறிமுக நிகழ்ச்சியில், DAP-யின் பொதுச்செயலாளர் அந்தோனி லோக் அந்த அறிவிப்பை வெளியிட்டார்.
சிலாங்கூர், அம்பாங்கைச் சேர்ந்தவரான 31 வயதுடைய Pang, இதற்கு முன்பு DAP-க்கு சொந்தமான UBAH TV எனும் பெயரிலான இணைய காணொலி ஊடகத்தில் தயாரிப்பாளராகவும் பணிபுரிந்துள்ளார்.
மலாய்க்காரர், சீனர், இந்தியர் என பல்லின மக்களை உட்படுத்திய 10 பேர் கொண்ட வேட்பாளர் பட்டியலிலிருந்து, பக்காத்தான் ஹாராப்பான் உயர்மட்ட தலைவர்கள் மன்றம், பாங்-ங்கை வேட்பாளராக தேர்வு செய்துள்ளது.