பல்லின மக்கள் வாழ்க்கின்ற ஒரு நாட்டில் ஓர் இனத்தின் வெற்றி, நாட்டின் வெற்றியாக கருதிவிட முடியாது என்று மூத்த அரசியல்வாதி லிம் கிட் சியாங் அறிவுறுத்தியுள்ளார். ஓர் நாட்டின் வெற்றி, முன்றேற்றம், எழுச்சி என்பது அந்த நாட்டின் ஒட்டுமொத்த மக்களின் அடைவு நிலையை அடிப்படையாக கொண்டே அளவிடப்படுகிறது என்று முன்னாள் இஸ்கந்தார் புத்ரி எம்.பி.யுமான லிம் கிட் சியாங் குறிப்பிட்டார்.
ஒரு குறிப்பிட்ட இனம் மட்டுமே வெற்றி பெறுவதால் உலக அரங்கில் மலேசியா மகத்தான் வெற்றியை பெற்றுள்ளது என்று எவருமே மார்தட்டிக்கொள்ள முடியாது. அந்த வகையில் ஓர் இனமா? அல்லது பல்லினமா? என்பதை நிரூபித்துக்காட்டுவதற்கு வரும் 9 ஆம் தேதி நடைபெறவிருக்கும் ஜோகூர் புலாய் நாடாளுமன்றத் தொகுதி மற்றும் சிம்பாங் ஜெராம் சட்டமன்றத் தொகுதி இடைத் தேர்தல்கள் வெற்றி, தோல்வியை தீர்மானிப்பற்கு மலேசியர்களுக்கு ஓர் அற்புதமான வாய்ப்பை வழங்கியுள்ளதாக டிஏபியின் முன்னாள் பொதுச் செயலாளருமான லிம் கிட் சியாங் தெரிவித்துள்ளார்.
இந்த இடைத் தேர்தல் ஜோகூர் மாநிலத்திற்கு முக்கியம் அல்ல. மலேசியர்களுக்கு முக்கியமானதாகும். இதன் வெற்றித் தோல்வி சமிக்ஞையைப் பொறுத்தே நாடு அடுத்த முன்னெடுப்புகளை மேற்கொள்வதற்கு ஒரு வாய்ப்பாக அமையும் என்று லிம் கிட் சியாங் குறிப்பிட்டுள்ளார்.
