சமூக வலைத்தளங்களில் பகிரப்பட்டு வருவதைப் போல, எம்ஆர்டி ரயில் சேவையில் காஜாங் வழித்தடத்தில் வெடி சம்பவம் அல்லது தீ விபத்து நிகழ்ந்ததாக கூறப்படுவதை அந்த ரயில் சேவையை நிர்வகித்து வரும் Rapid KL மறுத்துள்ளது.
நெருப்பு சிதறலைப் போன்று ஒரு சத்தம் மட்டும் கேட்டதே தவிர அது வெடி சம்பவமோ அல்லது தீ விபத்தோ அல்ல என்று Rapid KL குறிப்பிட்டுள்ளது. தாமான் முத்தியாரா நிலையத்தில் சேவையிலிருந்து அகற்றுவதற்கு 28 என்ற பதிவு எண்ணைக் கொண்ட ரயிலை வெளியாக்கும் முயற்சியின் போது உரசல் போன்ற தீ சிதறல்கள் ஏற்பட்டன.
இந்த ரயிலினால் எம்ஆர்டிரயில் இருப்புப்பாதையின் மின்சார விநியோக முறையில் எச்சரிக்கை அலாறம் அடிக்கத் தொடங்கியதைத் தொடர்ந்து அந்த ரயிலை அகற்றும் முயற்சியின் போது நெருப்பு சிறதல்கள் ஏற்பட்டனவே தவிர அது தீ விபத்தோ அல்லது வெடி சம்பவமோ அல்ல என்று Rapid KL விளக்கம் அளித்துள்ளது.
