ஜோகூரில் வெள்ளத்தில் பாதிக்கப்பட்டவர்களின் எண்ணிக்கை தொடர்ந்து அதிகரிப்பு

ஜோகூர் பாரு, மார்ச்.22-

ஜோகூர் மாநிலத்தில் ஏற்பட்டுள்ள வரலாறு காணாத வெள்ளத்தில் பாதிக்கப்பட்டவர்களின் எண்ணிக்கை தொடர்ந்து அதிகரித்த வண்ணமாக உள்ளது என்று அறிவிக்கப்பட்டுள்ளது.

இன்று காலை 8 மணி நிலவரத்தின்படி வெள்ள நிவாரண மையங்களில் தஞ்சம் புகுந்தவர்களின் எண்ணிக்கை 13,089 பேராக அதிகரித்துள்ளது. இந்த எண்ணிக்கை நேற்று 12,686 பேராக இருந்தது என்று மாநில பேரிடர் நிர்வாக நடவடிக்கைக் குழு தெரிவித்துள்ளது.

6 மாவட்டங்களில் பாதிக்கப்பட்ட 3,749 குடும்பங்களைச் சேர்ந்த 13,089 பேர் தற்போது 95 நிவாரண மையங்களில் அடைக்கலம் புகுந்துள்ளதாக அக்குழு அறிவித்துள்ளது.

ஜோகூர் பாரு, குளுவாங், பொந்தியான், கூலாய், கோத்தா திங்கி மற்றும் பத்து பகாட் ஆகிய மாவட்டங்கள் கடுமையாக பாதிக்கப்பட்டுள்ளதாக தெரிவிக்கப்பட்டுள்ளது.