கோலாலம்பூர், மார்ச் 19 –
ஆசியாவில் மிக மோசமான விமான நிலையங்களில் ஒன்றாக கோலாலம்பூர் அனைத்துலக விமான நிலையமான KLIA, எட்டாவது இடத்திற்கு தள்ளப்பட்டு இருப்பதைத் தொடர்ந்து நாட்டின் பிரதான நுழைவாயிலான அந்த அனைத்துலக விமான நிலையத்தின் பலவீனங்கள் களையப்படும் என்று போக்குவரத்து அமைச்சர் அந்தோணி லோக் இன்று உறுதி அளித்துள்ளார்.
கே.எல்.ஐ.ஏ. விமானம் நிலையம் குறித்து கூறப்படும் கருத்துகள் மற்றும் ஆய்வுகள் நேர்மறை கண்ணோட்டத்தில் அணுக வேண்டும். அந்த வகையில் அந்த அனைத்துலக விமான நிலையத்தை சீர்படுத்துவதற்கு மேற்கொள்ளப்படும் இரண்டு பெரும் திட்டங்கள் விமான நிலையத்தின் தோற்றத்தை மேம்படுத்தும் என்று அந்தோணி லோக் நம்பிக்கை தெரிவித்துள்ளார். .
